म

ब्लगिङ नशा जस्तै भइसकेछ कि मलाईपनि । बिहान उठ्ने बित्तिकै आफ्नो ब्लगरोलमा भएका ब्लगका नयां नयां पोष्ट पढ्न मनलाग्छ चाहे जतिसुकै काम होस् । अनि एउटा पोष्ट लेखेको दुइ-चार दिन पछि नै के लेखम के लेखम् नि हुन्छ .... त्यसैले लाग्छ ब्लगिङ नशा झैं भैसकेछ मलाईपनि!!

चार वर्ष जस्तो अगाडि, (बिइ को दोस्रो वर्षमा थिएं होला) लेखेको एउटा कविता पोष्ट गर्न मनलाग्यो मलाई । मेरो त्यसबेलाको अवस्थासँग यो कविता ठ्याक्कै मिल्थ्यो भने अहिलेको अवस्थासँग नि मिल्न मिल्न खोज्छ  ( फरक यतिमात्र हो, मेरो अहिलेको अवस्थामा सेमेस्टर छ महिनाको हुँदैन ) !  मेरो कविता को शीर्षक छ - "म" --

प्रत्येक छ छ महिनामा नौलो युद्ध लड्दछु म
जित हासिल गर्न सके  खुड्किलोमा चड्दछु म


साना साना आँखाभित्र, ठूला ठूला सपना छन्
विश्वास छ एकदिन, पुरा पनि गर्दछु म
सुन जडित भविष्यले कुर्दै होला मलाई नै
उसैसम्म पुग्न हरेक घडि अघि सर्दछु म

त्यसैले त सेमेस्टरै पिच्छे युद्ध लड्दछु म
जित हासिल गर्न सके  खुड्किलोमा चड्दछु म

प्रत्येक छ छ महिनामा नौलो युद्ध लड्दछु म
जित हासिल गर्न सके  खुड्किलोमा चड्दछु म !!