Sunday, January 11, 2009

गीत

म कल्पनाका कुराहरु लेख्न मनपराउँछु । जे मेरो वास्तविक जीवनमा घटिरहेको छैन त्यो कुरा लेख्न रमाइलो लागे जस्तो लाग्छ । यस्तै कल्पनाका उडान भरेर लेखिएको हो यो रचना पनि --- :-)

जप्छु अचेल तिम्रै नाम बिहान अनि साँझ
यो रुपको बयान गरुँ कसरी म आज ।।

हेलम्बुका स्याउ जस्ता तिम्रा राता गाला
त्रिशुलीको जस्तै तिम्रो नागबेली चाला
तिम्रो नाममा लाउँदा लाग्छ उपमालाई लाज
यो रुपको बयान गरुँ कसरी म आज

गुराँस जस्तो मुस्कान तिम्रो बादलुको केश
सबै गुणकी धनी तिमी सबै भन्दा बेश
तिमी राम्री गुणी साह्रै आफूलाई नदाँज
यो रुपको बयान गरुँ कसरी म आज

भाग्यमानी बनाइदेउन मलाई पनि आज
बस्न देउ न मलाई तिम्रो सुन्दर मन माझ
जप्छु अचेल तिम्रै नाम बिहान अनि साँझ
यो रुपको बयान गरुँ कसरी म आज ।।