आफ्नो प्यारो देशबाट भौगोलिक रुपमा जतिसुकै टाढा भएपनि आफ्ना चाड-बाड, आफ्ना संस्कृति, आफ्ना चलन मान्न सकिन्छ भन्ने कुरो हामी नेपालीले नेपालबाहिर बसेर बेला बेलामा मनाउने चाड-पर्वका कार्यक्रमबाट पुष्टि भएकै छ । नेपालमा हुँदा भन्दा नेपाल बाहिर गएपछि देशको र रिती-रिवाजको माया बढी लाग्दो रहेछ, शायद त्यसैले भन्छन् कहिलेकाही दूरीले पनि माया बढाउने काम गर्छ भनेर ।
यसै क्रममा यसपालिपनि समस्त हिन्दू नेपाली महिलाहरुको महान् चाड तीज संयुक्त राज्य अमेरिकाको फ्लोरिडा स्थित ट्याम्पामा भव्यता साथ मनाइएको छ । देवघाट गलेस्वर आश्रमका श्री १००८ स्वामी आत्मानन्द गिरी महाराजको उपस्थितिमा विधी पूर्वक पूजा अर्चना सम्पन्न भएको थियो । कार्यक्रममा ट्याम्पा क्षेत्रमा बसोबास गर्दै आएका अधिकांश नेपाली महिलाको सहभागिता रहेको थियो । पूजा पछिको प्रवचन कार्यक्रममा स्वामी महाराजले गौरी पूजा (तीज) को महत्वका बारेमा चर्चा गर्नु भएको थियो । कार्यक्रमको आयोजना अन्य नेपालीको सहयोगमा पुनम घिमिरे रिसालले गर्नु भएको थियो ।
त्यसै कार्यक्रमका केही झलक :
5 comments:
साधना जी पक्कै हो दूरीले माय बढाउने नै रहेछ तपाइ लगायत सम्पूण सहभागीहरुमा ढीलै भएपनि तीजको शुभकामना । रमाइला तस्बिरहरुको लागि धन्यबाद ।
कसैको अनुहार मा नि चमक देखिएन, सायद व्रत बसेर होला ! संस्कृति लाई निरन्तरता दिनु पक्कै राम्रो कुरा हो । फोटो सहित, जानकारी बाँड्नुभएकोमा धन्यवाद !
First photo ma chha ni chamak! :-)
Thanks for reading.
रमाईलो भएछ त दिदी !!!
रमाइलो भो यसपालि त!
तिम्रो के छ प्रवेश ? बेपत्ता छौ त अचेल ?
Post a Comment
Post a Comment