आफ्नो नाम तिमीसँग

आफ्नो नाम तिमीसँग जोडिदिएँ मैले
मनको ढोका तिम्रैलागि खोलिदिएँ मैले

आमाबाबा छाडी कहिल्यै कतै जान्न भन्थें
कसैसँग साथ जिउने कसम खान्न भन्थें
आज आफ्नै विरुद्धमा बोलिदिएँ मैले
मनको ढोका तिम्रैलागि खोलिदिएँ मैले

मेरो उन्नतिको स्रोत बन्छ तिम्रो साथ
तिम्रो प्रगतिमा उच्च बन्छ मेरो माथ
जीवनरसमा माया मिठास घोलिदिएँ मैले
मनको ढोका तिम्रैलागि खोलिदिएँ मैले

आफ्नो नाम तिमीसँग जोडिदिएँ मैले
मनको ढोका तिम्रैलागि खोलिदिएँ मैले ।।